Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen QR Prezıdenti janyndaǵy «Jasyl ekonomıkaǵa» kóshý jónindegi keńestiń kezekti otyrysy ótti, dep habarlaıdy primeminister.kz.
Otyrys barysynda ekologııalyq ahýaldy jaqsartý jáne «jasyl» ekonomıkaǵa sapaly kóshýdi qamtamasyz etýdiń tujyrymdamalyq tásilderi, Qazaqstannyń «jasyl ekonomıkaǵa» kóshýi jónindegi tujyrymdamanyń 2013–2020 jyldarǵa arnalǵan is-shara josparyn júzege asyrý máseleleri talqylandy, sondaı-aq Keńestiń osy jyly atqaratyn jumys josparynyń kestesi qaralyp, bekitildi jáne Keńestiń 2017 jylǵy 19 qazandaǵy Hattamasynyń oryndalý nátıjeleri qaraldy.
Kún tártibi boıynsha QR Ekologııalyq uıymdarynyń qaýymdastyǵy tóralqasynyń tóraıymy Á. Nazarbaeva, Qyzylorda oblysynyń ákimi Q. Kósherbaev, energetıka birinshi vıse-mınıstri M. Dosmuhambetov, aýyl sharýashylyǵy vıse-mınıstri E. Nysanbaev, «Atameken» UKP basqarma tóraǵasy A. Myrzahmetov, «KazWaste» qazaqstandyq qaldyqtardy basqarý qaýymdastyǵynyń atqarýshy dırektory V. Mustafına, «Jasyl Akademııa» ǵylymı-bilim berý ortalyǵynyń dırektory B. Esekına jáne t.b. sóz sóıledi. BUUDB-nyń «jasyl ekonomıkaǵa» kóshýdegi tájirıbesi týraly BUU Damý baǵdarlamasynyń Turaqty ókili Norımase Shımomýra myrza aıtyp berdi.